Эбиэт кэннэ слету үөрүүлээхтик арыйыы өрөгөйдөөх чааһа ыытылынна. Бүгүҥҥү тэрээһин кытт... — 6 июня 2026 г. в 08:48:22.620
Эбиэт кэннэ слету үөрүүлээхтик арыйыы өрөгөйдөөх чааһа ыытылынна. Бүгүҥҥү тэрээһин кыттыылаахтарын улуус баһылыгын бастакы солбуйааччыта Егор Иванов ис сүрэҕиттэн эҕэрдэлээн туран, бу слет инникитин өссө далааһыннана, республика таһымыгар тахсан иһэригэр эрэлин биллэрдэ. Бүгүҥҥү көрсүһүү официальнайа суох таһымҥа, истиҥ-иһирэх, доҕордуу сыһыаҥҥа ааһарыгар баҕа санаатын тириэртэ. Егор Дмитриевич улуус баһылыга Валерий Николаев дьаһалыгар олоҕуран, ыччат Сэбиэтин түөскэ кэтиллэр бэлиэтин уонна дастабырыанньатын улуустааҕы Ис Дьыала отделын участковайа Данил Ивановка, ыччат политикатын нэһилиэктэргэ тарҕатар уонна улууска ыытыллар тэрээһиннэргэ көмөлөһөр, көхтөөх кыттыыны ылар ыччат Сэбиэтин чилиэннэригэр: 8 №-дээх «Аленушка» уһуйаан иитээччитэ Елена Григорьеваҕа, Кэнтик нэһилиэгин сынньалаҥ киинин специалиһа Клара Протопоповаҕа, Анегина Ильина аатын сүгэр Нам нэһилиэгин сынньалаҥ киинин директорын э.т. Афанасий Руфовка улуус баһылыгын аатыттан махтал суруктары ытыс доҕуһуолугар туттарда. #Эдэрэйгэ #Ыччатслета #Ыччатсэбиэтэ