Бүгүн, бэс ыйын 6 күнүгэр, Үөһээ Бүлүү улууһун фитнес-аэробикаҕа хамаандата Ньурба куор... — 6 июня 2026 г. в 07:15:39.089
Бүгүн, бэс ыйын 6 күнүгэр, Үөһээ Бүлүү улууһун фитнес-аэробикаҕа хамаандата Ньурба куорат Антоновка сэлиэнньэтигэр ыытыллыбыт СР XVII чөмпүйэнээтигэр кыттан, эһиил ыытыллыахтаах IX Саха Өрөспүүбүлүкэтин норуоттарын спортивнай оонньууларыгар путевканы ылары ситистэ! Бэлиэтээн эттэххэ, биһиги улуус хамаандата фитнес-аэробика күрэхтэһиитигэр бу аан бастакы кыттыыта буолар. Ол курдук, хамаанда састаабыгар Ирина Руфова, Июлия Былкова, Владилана Кебель, Валерия Санникова, Евдокия Чыбыкова, Катрина Казакова уонна Саргы Кардашевская былырыын күһүҥҥэттэн кытаанах бэлэмнэниини ааспыт хара көлөһүннэрэ таах хаалбата. Түгэнинэн туһанан, кыргыттарга уонна кинилэр тренердэригэр Ольга Потаповаҕа ис сүрэхпиттэн махталбын тиэрдэбин! Чөмпүйэнээккэ Саха сирин араас муннуктарыттан барыта 11 хамаанда: Үөһээ Бүлүүттэн «Верфит» (7-с), Чурапчыттан «Олимп» (4-с), Верхоянскайтан «Дьааҥы Сарыала» (2-с), Тааттаттан (11-с), Бүлүүттэн (6-с), Өлөөнтөн (8-с), Хаҥаластан «Айастаан» (10-с), Горнайтан «Күлүмчээнэ» (9-с), Уус-Алдантан «Энергия» (3-с), Мэҥэ-Хаҥаластан «Кыталык» (5-с) уонна Ньурбаттан «Алмазы Нюрбы» (1-кы) кыттыыны ыллылар. Кыргыттарбытын өссө төгүл истиҥник эҕэрдэлээн туран, эһиил от ыйыгар Ньурба улууһугар ыытыллаары турар IX Саха Өрөспүүбүлүкэтин норуоттарын спортивнай оонньууларыгар ситиһиини, кылбар кыайыыны баҕара, алгыы хаалабын! #Спорт #Фитнесаэробика #Чемпионатреспублики #Спортивныеигры