Үүккэ хонтуруолунай ыам ыытыллар — 6 июля 2026 г. в 07:14:11.160
Үүккэ хонтуруолунай ыам ыытыллар 🥛Бу күннэргэ улуустааҕы тыа хаһаайыстыбатын исписэлиистэрэ : сүрүн зоотехник Федор Николаевич Иванов, сүрүн исписэлиис Виктор Викторович Васильев, Үөдүгэй нэһилиэгин тыатын хаһаайыстыбатын исписэлииһэ Сардана Геннадьевна Ноговицына хаһаайыстыбаларга хонтуруолунай ыам оҥордулар. Биир бастакынан Үөдүгэйгэ туруу үлэһит уол, биир улахан хаһаайыстыбалаах бастыҥ ыччат Василий Туралысовка сырыттылар. Барыта күҥҥэ 12 ыанар ынахтан 141,06 киилэ үүт ыанна. Ортотунан - 7-8 лиитэрэ үүт. Саамай элбэх үүтү Красотка — 18,7 л., Бэрэски -16л, Большой— 15,5 л., Ангел -14,2 л. уонна үксүлэрэ 11-12 лиитэрэ үүтү биэрдилэр. Тыа хаһаайыстыбатын управлениетын үлэһиттэрэ хонтуруолунай ыам үлэтин салгыы ыытыахтара. Бу үлэ ынах үүтүн хаачыстыбатын тупсарарга, ынах доруобуйатын кэтээн көрөргө, эбии аһылыгын чопчулуурга туһуламмыт үлэ буолар. Билигин үрүҥ илгэ үрүлүйэр үүттүгэннээх кэмнэригэр бу үлэ күүскэ ыытыллан, үүккэ былааммытыгар үрдүк кирбиилэри ылыаҕыҥ. #тыахаһаайыстыбата