🥛Бүгүн улуустааҕы тыа хаһаайыстыбатын сүрүн зоотехнига Федор Николаевич Иванов, сүрүн ... — 6 июля 2026 г. в 07:13:57.356
🥛Бүгүн улуустааҕы тыа хаһаайыстыбатын сүрүн зоотехнига Федор Николаевич Иванов, сүрүн исписэлиис Татьяна Гаврильевна Семенова уонна Ороһу нэһилиэгин тыатын хаһаайыстыбатын исписэлииһэ Василий Павлович Туралысов быйаҥнаах алаастардаах, улуус устуоруйатыгар үүт-сүөгэй үрүйэлии сүүрэр дойдутунан биллибит Ороһу үүтүн собуотугар үлэ сырыытынан баран кэллилэр. Күн бүгүн Ороһуга 4 хаһаайыстыба үүт туттарар. Бүгүҥҥү үүттэрэ - 894 киилэ. Ону таһынан Ороһуга Балаҕаннаахтан Петр Владимирович Кардашевскай үүт туттарар. Күннээҕи үүтэ - 358 киилэ буолла. Уопсайа Ороһу собуотугар бүгүн 1 туонна 253 киилэ үүт туттарылынна. Олохтоох төрүт, хаачыстыбалаах аспытын өрө тутуоҕуҥ. Ыччат дьоммут төрүт дьарыгы салҕаан, сүөһүнү, сылгыны үксэтэ туруоҕуҥ. #Тыахаһаайыстыбата #Үрүҥилгэ