#планерка — 13 июля 2026 г. в 05:29:49.935
#планерка Нэдиэлэтээҕи үлэни былаанныыр сүбэ-мунньах үөрүүлээх түгэнтэн саҕаланна. Ол курдук, 30-ча сыл "Сахамедстрах" тэрилтэтигэр үтүө суобастаахтык үлэлээбит Галина Ариановна Никитинаҕа улуус дьаһалтатын махтал суругун аҕа баһылык Валерий Николаев туттарда. Валерий Валерьевич өрөбүлгэ Дьокуускай куоракка буолбут Үөһээ Бүлүүлэр ыһыахтарын туһунан кэпсээтэ. Дьон-сэргэ көхтөөхтүк кэлбитин бэлиэтээтэ. Тыа хаһаайыстыбатын управлениетын экономиһа Розалия Клиновицкая: - Оттооһуҥҥа 1375 туонна элбэҕинэн былаан бэриллибитэ. От ыйын 13 күнүн - абааһы мунньаҕын кэнниттэн отчуттар маассабайдык оттооһуҥҥа киириэхтэрэ диэн сабаҕалааһын баар. ГСМ өттүгэр нэһилиэктэртэн кэлбит сайаапкаларынан үлэлиибит. Өрүс уҥуоргу нэһилиэктэртэн Кырыкый эрэ хааччыллан олорор. ДТ - 15 тонна, АИ-92 - 12 тонна саппаастаах. @uoheebuluu