2026 сылга Үөһээ Бүлүү улууһа икки саҥа ПАЗ оскуола автобустаныаҕа. Барыта өрөспүүбүлүк...
2026 сылга Үөһээ Бүлүү улууһа икки саҥа ПАЗ оскуола автобустаныаҕа. Барыта өрөспүүбүлүкэбит 46 саҥа массыынаны ылыаҕа. РФ Бырабыыталыстыбатын дьаһалынан, СӨ Үөрэх уонна билим миниистиристибэтэ автобустары муниципалитеттар икки ардыларыгар үллэрдэ. Барыта 15 муниципальнай оройуоннарга, ону таһынан Дьокуускай куорат үөрэх кыһаларыгар уонна өрөспүүбүлүкэ судаарыстыбаннай тэрилтэлэригэр массыыналар киириэхтэрэ. Үөһээ Бүлүүттэн ураты, иккилии автобустары Амма, Бүлүү, Горнай, Мэҥэ-Хаҥалас, Нам, Ньурба, Өймөкөөн, Өлүөхүмэ, Таатта, Томпо, Уус-Алдан, Хаҥалас уонна Чурапчы оройуоннара ылыахтара. Өссө үс автобус Дьокуускай куорат үөрэх кыһаларыгар ананар, уонна сэттэ – өрөспүүбүлүкэ судаарыстыбаннай тэрилтэлэригэр. Саҥа "ГАЗ" уонна "ПАЗ" мааркалаах дойдуга оҥоһуллубут автобустар оскуола оҕолорун таһыыга, ону таһынан үөрэнээччилэр уонна педагогтар олимпиадаларга, күрэхтэргэ, кыттыыларыгар уонна атын үөрэх тэрээһиннэригэр айанныылларыгар туттуллуохтара. Бэлиэтээн эттэххэ, өрөспүүбүлүкэҕэ оскуола массыыналарын саҥардыы үлэ тиһигин быспакка салҕанар. Бүтэһик биэс сыл иһигэр Саха сирин үөрэх кыһалара 299 саҥа оскуола автобуһун ыллылар. Ил Дархаӈӈа Айсен Сергеевичка уонна Саха Өрөспүүбүлүкэтин үөрэх министиэристибэтигэр махталбытын биллэрэрбит! #ҮөһээБүлүү max.ru/channel_VNikolaev