#планерка
#планерка Үөһээ Бүлүү улууһугар сокуону, бэрээдэги кэһии туругун туһунан Үөһээ Бүлүүтээҕи ис дьыала отделын бэрээдэги бөҕөргөтөр салаатын салайааччытын быстах кэмҥэ эбээһинэһин толорооччу, полиция майора Вячеслав Семенович Потапов иһитиннэрдэ. Нэдиэлэ устата ис дьыала отделын дьуһуурунай чааһыгар 46 иһитиннэрии киирбит. Ол иһигэр 3 уоруу, 4 эт-хаан эчэйиитэ бэлиэтэммит. Төрөппүт эбээһинэһин ситэри толорботох төрөппүт боротокуолламмыт. Нэдиэлэ устата 99 административнай боротокуол оҥоһуллубут. Ол иһигэр 27 боротокуолу участковайдар толорбуттар. Дьуһуурунай чааска 3 киһи тутуллан киирэн тахсыбыт. ГАИ сотрудниктара 70 ыстараап боротокуолун толорбуттар. Арыгы испит 1 суоппар тутуллубут. Ааспыт өрөбүл күннэргэ биллибэт, улуус таһыттан кэлбит дьон аадырыстарынан сылдьан опрос ыла сылдьаллар диэн иһитиннэрии социальнай ситим нөҥүө тарҕаммыта. Бу иһитиннэриинэн оперативнай үлэһиттэр - следователлэр тута бэрэбиэркэҕэ тахсыбыттара. Силиэстийэ бэрэбиэркэтин түмүгэр маннык опрос сокуоннай буолара быһаарыллыбыт. Амурскай уобаластан официальнай үлэлээх дьон социальнай опрос ыыппыттар. Опрос оҥорор сайтка киирэр штрих код ыыталаабыттар. Түөкүттэр буолбатах диэн силиэстийэлээччилэр мэктиэлииллэр. @uoheebuluu