#планерка
#планерка Улуус дьаһалтатын нэдиэлэтээҕи былаанныыр сүбэ-мунньаҕын улуус баһылыгын бастакы солбуйааччыта Егор Дмитриевич Иванов салайан ыытта. Сүбэ-мунньах Үөһээ Бүлүү нэһилиэгин дьаһалтата кыстыкка бэлэмнэнии үлэтин хаамыытын туһунан дьаһалта дьыалаларын дьаһайар салаатын салайааччыта Василий Тихонович Петров иһитиннэриититтэн саҕаланна. Ол курдук, дьаһалта иһинэн үлэлиир "МАРС" МАТ киин уулусса 6 таһымнаах өрөмүөнэ бара турар. Бастакы түһүмэҕэ 7 учаастакка оҥоһулунна. Үлэ графигы болдьоҕун куоһаран иһэр диэн бэлиэтиир тоҕоостоох. Сааскы халаан уутун ыытарга анаммыт үлэ хаамыытынан 8 сиргэ хоруу турбалара угуллан бүттүлэр. Үлэ 80% бүттэ, билигин 1 турба ууруллара хаалла. 13 уулуссаҕа өрөмүөн ыытыллыахтааҕыттан 63% туолан турар. Манна дьыл кэминэн суола көннөрүү үлэтэ эмиэ киирэр. Сайыҥны уу ситимин холбуур үлэ чэрчитинэн 2 км курдук уһуннаах ситим бэрэбиэркэ быһыытынан үлэлээтэ. Кэлэр сылга сыыһаны-халтыны, итэҕэстэри туоратан баран, нэһилиэккэ толорору киллэрэр былаан турар. Дьаһалта ППМИ бырагырааматынан 3 араас үлэҕэ кыайан турар. Балаҕан ыйын бүтэһигэр саҥа трактор кэлэн турар. 5 уулуссаҕа 55 опора баҕаната турда. Ааспыт чэппиэргэ, бээтинсэҕэ Сайылык кылабыыһатыгар субуотунньук ыытылынна. 6 массыына бөх таҕыста. Тиэхиньикэнэн хааччыйбыт ОДьКХ олохтоох салалтатыгар уонна олохтоох урбаанньыттарга күүс-көмө буолбуттарын иһин дьаһалта аатыттан махтанарын биллэрдэ. @uoheebuluu