☀✨Ыам ыйын 25 күнүгэр өрөспүүбүлүкэҕэ Оһуохай күнүн быйыл иккис төгүлүн бэлиэтиибит. Бу... — 25 мая 2026 г. в 11:17:54.703
☀✨Ыам ыйын 25 күнүгэр өрөспүүбүлүкэҕэ Оһуохай күнүн быйыл иккис төгүлүн бэлиэтиибит. Бу бэлиэ күн 2023 сыллаахха Ил Дархан Айсен Николаев балаҕан ыйын 7 күнүнээҕи ыйааҕынан биллэриллибитэ. Оһуохай — Айыылары кытта ситимниир, үрүҥ күҥҥэ сүгүрүйэр сахалар төрүт үҥкүүлэрэ. Күн бүгүҥҥэ диэри күн эргииринэн төгүрүччү тутуһан хаамсан, самаан сайыны уруйдаан-айхаллаан көрсөбүт. Оһуохай — сиэри-туому кытта ыкса ситимнээх, сахалары арчылыыр, араҥаччылыыр, сомоҕолуур суолталаах өбүгэлэрбититтэн кэлбит үгэс буолар. 2025 сылтан С.А.Зверев - Кыыл Уолун 125 сылынан хас ханыы күн (оптуорунньук) аайы Сунтаар улууһун бары оскуолаларыгар, уһуйааннарыгар, култуура дьиэлэригэр, тэрилтэлэригэр оһуокай түһүлгэтэ төрүттэнэн кэллэ. Оҕолор бастаан туттуна соҕус, онтон улам аһыллан, үҥкүүгэ киирэн, оһуокай этээччини батыһан, тэҥҥэ тылын үтүктэн, бэртээхэй эйгэҕэ киирдилэр. Күүкэй оскуолатын оҕолоро эмиэ биир да нэдиэлэни көтүппэккэ оһуокайга кыттыстылар. Сыл түмүгүнэн тахсан эрэ саҥа этээччилэри бэлиэтиибит: Иванна Саввинова (3кыл), Айсаана Данилова (4кыл), Ярослав Федотов (5кыл), Сайынаара Максимова (5кыл) уо.д.а. Билиҥҥи кэмҥэ оҕо сахалыы саҥарар сатабылын сайыннарыыга, төрүт үгэһи утумнуурга, бэйэтин омугун таптыы, ытыктыы үөрэнэригэр маннык хамсааһын олус наадалааҕын бигэргэтэбит. Бэртээхэй бачыым тиһигин быспакка өссө киэлилээн сайдан истин!