🌞Бүгүн Күүкэй орто оскуолатын интернатын иитиллээччилэригэр үгэс быһыытынан "Сайын кэл... — 20 мая 2026 г. в 13:33:37.812
🌞Бүгүн Күүкэй орто оскуолатын интернатын иитиллээччилэригэр үгэс быһыытынан "Сайын кэллэ, сайа көрдө" диэн сайыҥҥы сынньалаҥ иннинээҕи тэрээһин буолан ааста. Тэрээһини быйыл оскуоланы бүтэрэн олох киэҥ аартыгар үктэнээри сылдьар Нарияна Трофимова иилээн-саҕалаан ыытта. Нарияна бу сатабыла устудьуоннуу бардаҕына туһалаах буолуоҕун көрөөччүлэр бэлиэтээтилэр. Бу күн кыргыттарга "Туйаарыма Куо", уолаттарга "Үрүҥ Уолан" күрэхтэр ыытылыннылар. Улахан эрийсиилээх түгэннэр кэннилэриттэн түмүгэр Туйаарыма Куо аатын Николь Саввинова(4кыл), Үрүҥ Уолан аатын кыраларга Мирон Харитонов(2кыл), улахаттарга Дьулустаан Архангельскай(7 кыл) ыллылар. Бары кыттааччыларга анал ааттар, бириистэр туттарылыннылар. Тэрээһин хойукка дылы айылҕаҕа көхтөөх оонньууларынан, ырыанан-тойугунан, үөрүүнэн-көтүүнэн доҕуһуолланна, оҕо-аймаҕы астыннарда.