Новостной канал МБОУ «Кюкяйская ПТСОШ им. А.К. Акимова»
Новости · 3 сентября 2026 г.
Балаҕан ыйын 3 күнэ — Арассыыйа бойобуой албан аатын күнэ. Милитаристскай Японияны кыай... — 3 сентября 2026 г. в 11:28:11.890
Балаҕан ыйын 3 күнэ — Арассыыйа бойобуой албан аатын күнэ. Милитаристскай Японияны кыайыы уонна Аан дойду иккис сэриитин түмүктэниитэ (1945 сыл). 1945 сыл атырдьах ыйын 8 күнүгэр Сойуустаахтар эбэһээтэлистибэлэрин толорон, Сэбиэскэй Сойуус Дьоппуон импиэрийэтигэр сэриини биллэрбитэ. Атырдьах ыйын 9 күнүгэр сэбиэскэй сэриилэр кимэн киириини саҕалаабыттара. Маньчжурскай стратегическай, Соҕуруу Сахалиннааҕы кимэн киирии уонна Курильскай десантнай операциялары ыытыы кэмигэр, А.М. Василевскай, Р.Я. Малиновскай уонна К.А. Мерецков хамандыырдаах Уһук Илиннээҕи Сэбиэскэй Сэбилэниилээх Күүстэр бөлөхтөрө Аан дойду иккис сэриитин сылларыгар Дьоппуон Императордарын сэбилэниилээх күүстэрин сүрүн сухопутнай сэриилэрин — Квантунскай аармыйаны үлтү сынньыбыттара. Бу кыайыы Дьоппуон хотторорун уонна Аан дойду иккис сэриитин бүтэрин түргэтэппитэ. Дьоппуон сэриитигэр биһиги нэһилиэкпититтэн буойуттар кыттыбыттарын билэбит. Кинилэр ааттара:Максимов Софрон Степанович,Иванов Кирилл Филиппович,Борисов Василий Самсонович,Васильев Василий Герасимович,Васильев Иннокентий Алексеевич,Илларионов Тимофей Саввич,Ксенофонтов Илья Семенович,Максимов Григорий Гаврильевич,Самсонов Илья Николаевич,Сергеев Георгий Семенович,Тимофеев Иннокентий Егорович,Федоров Дмитрий Андреевич,Федоров Матвей Потапович,Федоров Петр Васильевич,Федоров Сергей Васильевич,Харитонов Семен Николаевич. Балаҕан ыйын 3 күнэ -терроризмы утары биир санааланыы күнүнэн бэлиэтэнэн турар. 2004 сыл балаҕан ыйын 1 күнүгэр, Хотугу Осетия Беслан куоратыгар буолбут алдьархайы бүтүн Арассыыйа норуота хаһан даҕаны умнубат. Бу күн, “Билии күнүгэр”, сибэтиэй сиргэ – оскуолаҕа, оҕо өлүүлээх, устуоруйаҕа хаһан даҕаны буолбатах кыыллыы быһыы тахсыбыта. Күүкэй орто оскуолатын үөрэнээччилэрэ бу икки бэлиэ дааталары бэлиэтээн “Эр Санааланыы” чааһыгар, “Эйэ маһа”, терроризмы утары акцияларга кытыннылар.