Ташкабак икрасы тәмле булсын өчен 5 кагыйдә — 24 августа 2026 г. в 06:40:01.355
Ташкабак икрасы тәмле булсын өчен 5 кагыйдә Ташкабак икрасын ясамыйча калган кешеләр сирәктер. Ул тәмле килеп чыксын өчен түбәндәге кагыйдәләрне истә тотыгыз. - Беренчедән, яшелчәләрне кыздырыгыз. Суган, кишер, томат, сельдерейны дөрес кызу мөһим. Башта алтынсу төскә кергәнче акрын утта суган, аннан кишерне кыздырып алыгыз. Томатның артык суы беткәнче кыздырырга киңәш ителә. Болай эшләмәгәндә, ул сыеклык икраны бозачак, икрада су бүленеп чыга торган булачак. - Икенчедән, ташкабакны да турап, тоз сибеп торыгыз һәм артык согын чыгарыгыз. Болай эшләгәндә икра куе булачак. - Яшелчәләрне ничек кенә саркытсаң да суы чыгачак. Шуңа да аларны кыздырганда, пешергәндә, савытның капкачын япмагыз. Артык сыеклык парга әйләнеп бетәчәк. Дүртенчедән, икра ясаганчы ташкабакның төшләрен алыгыз. Ташкабак яшь булган очракта да, моны эшләргә кирәк. Юкса икра массасы үзгә булачак. - Икраны блендер белән изгәндә сак булырга кирәк. Артык озак изгәндә кыздырылган яшелчәләрнең тәме бетәчәк. Шуңа да иң югары тизлектә, аз гына вакыт эчендә изәргә киңәш ителә.