Күндү Сунтаарбыт улууһун олохтоохторо!
Күндү Сунтаарбыт улууһун олохтоохторо! Атырдьах ыйын 22 күнэ - Арассыыйа былааҕын күнэ «Сунтаар улууһа (оройуона)» муниципальнай оройуон дьаһалтатын уонна улуус депутаттарын Сэбиэтин ааттарыттан Арассыыйа Бэдэрээссийэтин Судаарыстыбаннай былааҕын күнүнэн итиитик-истиҥник эҕэрдэлиибит! Историяттан биллэринэн, үс өҥнөөх былаах официальнай ыстаатыһы 1896 сыллаахха, Николай II ыраахтааҕы солотугар киирэригэр, ылбыта. Бу былаах аан бастаан 1667 сыллаахха, Алексей Михайлович ыраахтааҕы саҕана «Орел» диэн нуучча байыаннай хараабылыгар ыйаммыта. Петр I ыраахтааҕы 1705 сыллаахха, тохсунньу (20) 31 күнүгэр нуучча бары аалларыгар маннык былаахтары ыйыыр туһунан ыйааҕы таһаарбыта. Былаах хас биирдии өҥө туспа суолталаах: маҥан – ыраас санааны, халлаан күөҕэ – чиэһинэй уонна эрэллээх буолууну, кыһыл өҥ – хорсун, эрдээх санааны, Аҕа дойду иһин тохтубут хааны дьүһүйэллэр, итиэннэ төрөөбүт дойду тутулуга суох буолуутун туруулаһар дьону сомоҕолуур. Судаарыстыбаннай былаах күнэ – күүспүтүн түмүүгэ, сомоҕолоһууга төһүү буолар, төрөөбүт дойдубут олоҕор кыттыгастаахпытын санатар өссө биир тоҕоостоох төрүөт буолар. Арассыыйа былааҕын тула бары бииргэ буоллахпытына ыарахаттары туоруохпут. Күндү Сунтаарбыт улууһун олохтоохторо! Эһигини өссө төгүл Арассыыйа Бэдэрээссийэтин Судаарыстыбаннай былааҕын күнүнэн эҕэрдэлиибит! Хас биирдиигит кыһамньылаах үлэҕит ситиһиилээх, бары саҕалааһыннаргыт үтүө түмүктэрдээх буоллуннар, дьиэ-кэргэҥҥитигэр чэгиэн чэбдик, дьоллоох-соргулаах олоҕу баҕарабыт! Сунтаар улууһун баһылыга А.В. Григорьев Улуус депутаттарын Сэбиэтин бэрэссэдээтэлэ У.Д. Попова