Кайгырма: язмыш үзгәрми, язылган булмый калмый. — 16 августа 2026 г. в 19:59:52.830
Кайгырма: язмыш үзгәрми, язылган булмый калмый. Кайгырма: гөнаһ кылсаң тәүбә ит, хаталансаң төзәл. Аның рәхмәте киң, ишеге ачык, тәүбәң кабул. Кайгырма: күбрәк гафу сора, Раббың - гафу итүче, онытма. Кайгырма: син кылган бер изгелеккә Раббың ун изгелек яза, ә кимчелек бер кимчелек булып кала. Кайгырма: сиңа насыйп булмаган нәрсәләргә, синдә булганнары да бик җитә. Кайгырма: әгәр фәкыйрь булсаң, кемдер бөтенләй әҗәттә утыра. Чит җирләргә барырга акчаң җитмәсә, кемдер ике аягыннан да мәхрүм. Кайгырма: кешеләргә изгелек кылудан туктама, чөнки кешеләргә изгелек кылу сиңа бәхет китерә. Кайгырма: кайгы дошманны сөендерә, дусның күңелен төшерә, көнчеләргә шатлык өсти. Кайгырма:чөнки төшенкелек-кайгы күңелне картайта, йөзне каралта, өмет нурларын сүндерә. Кайгырма: кайгыда да, шатлыкта да; байлыкта да, фәкыйрьлектә дә; авырлыкта да, рәхәттә дә - син хәерлектәсең. Айд ал-Карниның "Ля тахзан" китабыннан