🔹 Тыва Республиканың Күш-ажыл болгаш социал политика яамызы чаа өөредилге чылында өөре... — 16 июня 2026 г. в 08:42:05.998
🔹 Тыва Республиканың Күш-ажыл болгаш социал политика яамызы чаа өөредилге чылында өөреникчилерге школачы идик-хеп садарынга чылда чаңгыс катап бээр төлевирже билдириишкиннерни июнь 1-ден хүлээп эгелээнин дыңнаткан. Пособиениң хемчээли - 1 уругга 5000 рубль. Хөй ажы-төлдүг (18 харга чедир үш азы оон хөй ажы-төлдүг) иелер, уруг азырап алган ада-иелер, ажаакчы-тежээкчилери, чааскан ажы-төл азырап олурар адалар (иези чок апарган, ис чок читкен деп чарлаан азы ада-ие эргези казыттынган таварылгада), ол ышкаш өскүс ажы-төл азырап алган ада-иелер, ажаакчы-тежээкчилери пособиени алыр эргелиг. Пособиени алыр дизе, элээн каш негелделерни күүседир: өг-бүлениң кижи санынга онааштыр орулгазы регионда ажылдаар назылыг чурттакчы чоннуң амыдырап-чурттаарының кудуку хемчээлинден 1,25-ке ашпас (билдириишкин киирген үезинде), өг-бүле Тыва Республикада чурттап турар, өг-бүлениң шупту кежигүннери Россияның хамаатылары болур ужурлуг. Пособие акшазы ниити өөредилге черинге өөренир уругга школачы идик-хеп садарынга көрдүнген. Ада-иелер пособие алыр эргелиг уруг бүрүзүнге билдириишкинни киирип, ооң-биле чергелештир боттарының хүлээлгелерин долу күүседир хүлээлгелиг, а уруг долу күрүне хандырылгазында болбас ужурлуг. Тыва Республикада 2026 чылда ажылдаар назылыг чурттакчы чоннуң амыдырап-чурттаарының кудуку хемчээли 20850 рубль кылдыр доктааттынган, ынчангаш ук ачы-дузаны алырда өг-бүлениң кижи санынга онааштыр ортумак орулгазы 26062,5 рубльден (20850 × 1,25) ашпас болурун сагындыраал. Документилерни октябрь 31-ге чедир хүлээп алыр, пособиени 2026 чылдың ноябрь 30-ге чедир төлээр. Чурттап турар черинде социал камгалал эргелелинче, ол ышкаш муниципалдыг район чагыргаларының күш-ажыл болгаш социал хөгжүлде эргелелинче (Кызылда – хоорай мэриязының социал политика департаментизи) билдириишкинни боттары киирер. Билдириишкинге паспортунуң болгаш төрүттүнген дугайында херечилелдерниң, хамааты байдал документилериниң (чижээ, бадылашкан азы чарылган дугайында херечилелдер) хоолгалары, уругнуң өөренип турар черинден справка, өг-бүлениң орулгазының дугайында медээлиг бөлүк документилерни кады кожар. «Макс» национал мессенджерде Тыва Республиканың Күш-ажыл болгаш социал политика яамызының дараазында айтыгда max.ru/mintrudrtbot чат-бодундан немелде медээлерни билип ап болур. Мобильдиг тургузугдан деткимче хемчеглериниң дугайында медээлерни дүрген болгаш таарымчалыг кылдыр алырынга дээш чат-ботту тургускан.