🔹 Тываның Тудуг яамызы чиигелделиг ипотека чээлизиниң программазында киржип турар чээл... — 16 июня 2026 г. в 05:23:08.176
🔹 Тываның Тудуг яамызы чиигелделиг ипотека чээлизиниң программазында киржип турар чээли организацияларының болгаш тудуг компанияларының киржилгези-биле шимчевес өнчү садыглаашкынының ярмаркаларын катап эрттирип эгелээр. Россияның Президентизи Владимир Путинниң инивициативазын деткээни өг-бүлениң ипотеказын ажы-төлдүг өг-бүлелер чылда 2 хууга ап турар. Бо чылын эң эки чиигелделиг байдалдар-биле чурттаар оран-саваны садып ап болур1000 өг-бүледен 500 хирези ипотека керээлерин долдурган. Тываның Тудуг яамызы чурттакчы чонга чиигелделиг ипотека чээлизиниң эптиг аргаларын тайылбырлаар дээш, июнь төнчүзүнге чедир тудуг компаниялары-биле дорт консультация хүннерин организастаар: ажыл хүннеринде Кызылда Тыва эки турачылар кудумчузу, 18 дугаарлыг бажыңда, Улусчу банкызынга (бирги каът) болуп эртер. Оон аңгыда, чээли организациялары, тудуг компаниялары болгаш риэлторларның киржилгези-биле июньнуң 18-тен 20-ге чедир шимчевес өнчү ярмарказын эрттирери планнаттынган. Ярмарканың киржикчилери чаа тудуг рыногундан бажың садып алырын сонуургап турар айтырыгларынга харыыларны дорт ап, чылда 2 хуу чедир чиигелделиг ипотека программазы-биле ипотека чээлизин долдуруп болур. Ведомство программаның негелделерин сагындырган: - ставканың хуузу – 2 хуу; - чээлиниң эң хөй түңү – 6 млн рубль; - чээлиниң хуусаазы – 30 чыл; - чээли алыкчызы база ажы-төлү РФ-тиң хамаатылары; - бирги рыноктан чурттар чер садып алыры; - эскроу-агар сан ажыглап тудуг керээзи-биле хуу бажың тудуп алыры. Программаның негелдези-биле алырга, 6 хар чедир назылыг уруглуг (чээли керээзин чарар үеде), 18 хардан өрү назылыг инвалид уруглуг өг-бүлелер, база ол ышкаш назы четпээн ийи азы оон хөй ажы-төлдүг өг-бүлелер аңаа киржир эргелиг. Президент Владимир Путин Тываның Баштыңының регионга өг-бүле чиигелделиг ипотека программазын 2030 чылга чедир узадыр дугайында саналын деткээнин сагындыраал. Регион эрге-чагыргалары амгы үеде федералдыг яамылар болгаш ведомстволар-биле чаа программаның негелделерин кады ажылдап кылып турар.