🔹 Тыва Республиканың Баштыңының массалыг информация чепсектери база массалыг коммуника... — 16 июня 2026 г. в 05:20:01.516
🔹 Тыва Республиканың Баштыңының массалыг информация чепсектери база массалыг коммуникациялар адырында 2026 чылдың грант мөөрейинче билдириишкиннер хүлээп алырының хуусаазын 2026 чылдың июль 1-ге чедир узаткан. Грантыже күрүне болгаш муниципалдыг албан черлерин санаваска, журналистер, МИЧ редакциялары, ооң иштинде электроннуг МИЧ-тер, ол ышкаш медиа адырында хуу кижилер болгаш хуу сайгарлыкчылар кордап болур. Бо чылын Тываның Баштыңының МИЧ адырында грантызы Россияның Президентизиниң база Тываның Баштыңының 2026 чылда чаңчылчаан үнелиг чүүлдерге тураскааткан эгелээшкиннерин идепкейлиг чырыдып турар медиа төлевилелдерни деткииринче көрдүнгенин сагындыраал. Ол дээрге, Россияда чоннарның чаңгыс деминиң, а Тывада тургузукчу күш-ажыл болгаш өг-бүле ыдыктарының темазы болур. Блогерлерни социал четкилерге IV делегей чергелиг буддийжи форумну чырыдып, сүлде-сүзүк үнелиг чүүлдерин суртаалдаар мөөрейге киржиринче чалап тур бис. Дараазында информация төлевилелдерин 2026 чылда грантылар-биле деткиир: - бүгү-российжи хамааты чаңгыс демни быжыглаарынче, чоннар болгаш шажыннар аразында харылзааларны эптештиреринче база экстремизмни болдурбазынче угланган эң эки медиа-төлевилел; - Тыва Республиканың хөгжүлдезинге күш-ажылдың ролюнга тураскааткан, Тыва Республиканың чурттакчыларының эрткен болгаш амгы үеде көскү күш-ажылчы чедиишкиннерин чырыткан, ажылчын мергежилдерни суртаалдаан база өг-бүлениң ажыл-ишчи херээн хөгжүдеринге тураскааткан эң эки медиа-төлевилел; - хамаатыларны, ооң иштинде аныяктарны, патриотчу кижизидилгеже, төөгүлүг алыс шынны камгалаарынче болгаш төөгүлүг сактыышкынны кадагалап арттырарынче, Россияның чоннарының чаңчылчаан сүлде-сүзүк болгаш мөзү-шынар үнелиг чүүлдерин хөй-ниитиниң угаан-медерелинде быжыглаарынче, тускай шериг операциязының киржикчилериниң маадырлыг чоруктарын алдаржыдарынче угланган эң эки медиа-төлевилел; - социал четкилерге IV делегей чергелиг буддийжи форумну чырыдып, шажынның үнелиг чүүлдерин суртаалдап турар эң эки автор медиа-төлевилели. Медиа болгаш массалыг коммуникациялар талазы-биле Тыва Республиканың Баштыңының грантызын алырынга кордакчылар Тыва дугайында материалдарны 75 хуудан эвээшти чырыкче үндүрер негелде бар. Оон аңгыда билдириишкин киирген кижилер Роскомнадзордан чыл дургузунда МИЧ дугайында хоойлужулганы хажытканы дээш сагындырыг чок болур ужурлуг. Чурум езугаар кордакчылар ол-ла чылда республика бюджединден өске хевирниң деткимчезин база албас ужурлуг. Мөөрейниң ниити фондузу 1,6 млн рубль, төлевилел бүрүзүнге 400 муң рубль чедир грант акша-хөреңгизин бээри көрдүнген. Комиссия киржикчилерниң чагыгларынга даянып алгаш, номинация бүрүзүнден грантыны элээн каш категорияларга чарар эргелиг. Мөөрейге киржиринге херек бөлүк документилерлиг тускай майыкта билдириишкинни 2026 чылдың июль 1-ге чедир, ТР-ниң Баштыңының Администрация болгаш ТР-ниң Чазааның Информастыг политика департаментинче дужаар: 667000, Тыва Республика, Кызыл хоорай, Чүльдүм кудумчузу, б. 18, кабинет 100/1, тел. 8 (39422) 9-73-07, электроннуг хевирде билдириишкинни деапртаментиниң электроннуг почтазынче чорудар: departamentamenti@list.ru. Департаментиниң харыысалгалыг специализи – Орлана Лавкиновна Монгуш. Мөөрейге киржирде албан дужаар ужурлуг документилерниң даңзызын, мөөрейниң дүрүмүн, ол ышкаш доктааткан хевирниң билдириишкин майыын rtyva.ru/ деп сайтыда «Иные документы» деп кезектен үндүрүп ап болур.