🔹 Россия Федерациязының Чырыдыышкын яамызы база «Россия» телеканал «Класс темазы» деп ... — 30 июля 2026 г. в 04:25:30.245
🔹 Россия Федерациязының Чырыдыышкын яамызы база «Россия» телеканал «Класс темазы» деп теледамчыдылганың чаа сезонунуң чартык финалче кирген киржикчилерин тодараткан. Бо чылын шоунуң бешки, юбилейлиг ою. Амгы үениң башкыларынга тураскааткан төлевилел Россияның Президентизи Владимир Путинниң даалгазы-биле тургустунган амгы үениң башкыларынга тураскааткан төлевилел чурттуң эң-не тергиин башкыларын чуртка көргүзүп, ол мергежилдиң ат-алдарын бедидер сорулгалыг. Россия Федерациязының чырыдыышкын сайыды Сергей Кравцов бешки сезоннуң чартык финалының киржикчилеринге байырны чедирген: «Класс темазы» төлевилел бо чылдарда ажылдап келгеш, бодунуң үре-түңнелдиин бадыткаан. Ол башкыларның профессионал өзүлдезиниң, эки дээн арга-дуржулгалар солчулгазының, башкы мергежилин нептередириниң езулуг шөлү апарган. Төлевилел бүгү чуртка бодун көргүзүп, коллегаларының хей-аъдын көдүрүп, уруглар-биле ажылдаарының чаа аргаларын шинчилээр арганы талантылыг специалистерге берген. Сезон бүрүзүнде төлевилелче сонуургал улгатканын көрүп тур бис. Бо чүүл бистиң чурттуң кадрлар курлавыры бедик дээрзин бадыткалы-дыр. Мөөрейниң киржикчилери чартык финалга киришкеш, миллион-миллион көрүкчүлерден боттарының профессионал өзүлдезинге, башкылаашкын ажылынга чогаадыкчы бодалдарынга база амгы аргаларны ажыглаанынга улуг үнелелди алыры чугаажок» - деп, ол демдеглээн. «Аныяктар болгаш уруглар» национал төлевилелдиң иштинде «Башкылар болгаш дагдыныкчылар» федералдыг төлевилелдиң боттандырылгазы-биле теледамчыдылганы үндүрүп турар. Телешоунуң федералдыг оператору – Гуманитарлыг төлевилелдер фондузу, стратегтиг партнёру – «Диалог.Регионнар» коммерцияга хамаарышпас автономнуг организация, а чырыдыышкын талазы-биле партнёру – «Россия – мээң төөгүм» төөгү парктары. Бо чылын Россия Федерациязының бүгү регионнарында башкылардан беш муң ажыг чагыг кирген. Киржикчилерниң эң бичиизи – 18 харлыг, а эң улуг назылыы – 76-лыг. Санкт-Петербург биле Москва хоорайлардан база Алтай крайдан эң хөй билдириишкиннер кирген. Конкурска география, биология, төөгү, физика, химия, математика, орус дыл болгаш литература башкылары киришкен. Киржикчилер боттарының эртемнеринге тестилерни эртип, аянныг видеотаныштырылганы кылганнар. Москвага тырттырар дамчыдылгага киржир кылдыр эксперт чөвүлели чартык финалче 35 башкыны шилип алган (чеди эртем бүрүзүнге: физика, химия, математика, биология, география, төөгү, орус дыл болгаш литературага беш-беш башкы). «ВКонтактыда» телешоунуң арынында (vk.com/klassnayatemashow) чартык финал киржикчилериниң кичээлдерин салган, а күс эгезинде чоннуң бадылаашкынын эрттирер, ооң түңнели-биле тодараттынган төлевилелдиң чеди тиилекчизи «Россия 1» телеканалга боттарын көргүзер. «Россия-Культура» телеканалга болгаш «Класс Темазы» ниитилелге өөредилге дамчыдылгаларын көргүзери – төлевилел тиилекчилеринге кол шаңнал. Оон аңгыда киржикчилер төлевилелдиң партнерларындан тускай белектерни болгаш шаңналдарны алыр, ооң иштинде эртем-чырыдыышкынныг аян-чоруктар, стажировкалар болгаш өске-даа тураскаалдыг шаңналдар бар.