«Ульяновск өлкәсенең күркәм гаиләләре тормышы” китабына кергән үрнәк татар гаиләләре бе...
«Ульяновск өлкәсенең күркәм гаиләләре тормышы” китабына кергән үрнәк татар гаиләләре белән таныштыруны дәвам итәбез. Чираттагы кунакларыбыз - Ульяновск шәһәрендә гомер кичерүче Аряповлар гаиләсе. Рөстәм белән Гөлсинә Аряповлар хезмәт юлын - икесенә 95 ел - мәгариф тармагына багышлаганнар. Россия Федерациясе гомуми белем бирүнең Почетлы хезмәткәре, 69 нчы мәктәп директоры Гөлсинә Мөбарәкша кызы - биология укытучысы, ә Рөстәм Закир улы физкультура укытучысы буларак хезмәт юлларын башлап җибәрәләр. Бәхетле пар ике бала тәрбияләп үстергән, хәзер дүрт оныкларының уңышларына сөенеп яшиләр. Без - руслар, татарлар, чувашлар, мордвалар бергә дус булып үстек. Милли, дини бәйрәмнәрне бергәләп күршеләр урамыбыз белән үткәрә идек, самавыр артында кыстыбыйлар белән сыйланып кич утырдык. Безне кечкенәдән күрше милләтләрне, аларның мәдәниятен, традицияләрен хөрмәт итәргә өйрәтеп үстерделәр, ди Гөлсинә ханым. Аряповлар гаиләсе белән газетабызның чираттагы санында якыннан таныштырырбыз.