🏛️Бэс ыйын 17 күнүгэр саха тылынан тахсар уус-уран литэрэтиирэ сурунаал Чолбон тахсыбы... — 18 июня 2026 г. в 06:00:33.663
🏛️Бэс ыйын 17 күнүгэр саха тылынан тахсар уус-уран литэрэтиирэ сурунаал Чолбон тахсыбыта 100 сылын бэлиэтиир, "Суһумнуур сулустуу сирдиир сурунаал» тэрээһин Василий Андреевич Протодьяконов- Кулантай аатынан литературнай түмэлгэ үрдүк таһымҥа буолан ааста. 🔹Тэрээһиҥҥэ улуустааҕы культура салаатын начальнигын солбуйааччы Сулустаан Новоприезжай, улуус түмэлин директора Оксана Прядезникова, «Чолбон» сурунаал бас эрэдээктэрэ Гаврил Андросов, «Уһуктуу» суруйааччылар түмсүүлэрин салайааччыта Галина Аммосова эҕэрдэ тылларыттан саҕаланна. 🔹Ол кэннэ “Чолбон” сурунаал үбүлүөйдээх күнүгэр аналлаах быыстапканы Кулантай аатынан литературнай түмэл сэбиэдиссэйин солбуйааччы Диана Бурцева сырдатта. 1926 сылтан саҕалаан тахсыбыт «Чолбон» сурунаал 700 тахса нүөмэрэ саха сиригэр биир соҕотох толору коллекцията Кулантай түмэлин фондатыгар хараллан сытар, ону бу күн дьон көрүүтүгэр быыстапкаҕа туруордулар. 🔹Ол кэннэ бас эрэдээктэр Гаврил Андросов салайааччылаах «Чолбон» сурунаал үлэһиттэрэ Данил Макеев, Туяра Павлова, Рустам Каженкин кэлбит ыалдьыттарга анаан хоһоон, кэпсээн суруйуутугар маастар-кылаастары ыыттылар. 🔹Эбиэт кэннэ команданан арахсан "Чолбон өй күрэһэ" оонньуу буолла. Күрэскэ кыттыыны ыллылар Уус-Алдан улууһун С.С. Васильев-Борогонскай аатынан киин библиотека коллективын "Дьулуур" командата, Кэптэниттэн "Ааҕар Лөгөй", Мүрү саһарҕата редакцияттан "Саһарҕалар», Чараҥтан "Сайдыс", Мүрү нэһилиэгиттэн "Ийэ тыл ситимэ", Майаҕастан "Хоһуун Хоролор", Тулунаттан "Ил". 🏆Кыттааччылар 3 түһүмэҕи ааһан бэйэлэрин билиилэрин тургуттулар. Түмүккэ 🥇миэстэни "Ааҕар Лөгөй" , 🥈миэстэни “Ийэ тыл ситимэ», 🥉миэстэни “Ил” команда ыллылар, анал бирииһинэн “Дьулуур” команда наҕараадаланна.