Бэс ыйын 17 күнүгэр Дьокуускай куоракка СӨ тырааныспар уонна суол хаһаайыстыбатын минии... — 18 июня 2026 г. в 03:31:18.494
Бэс ыйын 17 күнүгэр Дьокуускай куоракка СӨ тырааныспар уонна суол хаһаайыстыбатын миниистирин солбуйааччыта Семен Коркин салайааччылаах сүбэ мунньах ыытылынна. Мунньах сүрүн боппуруоһунан "Кангаласс - Кыһыл Маяк" суолун хайысхатын (трассировкатын) уларытыы тула барда. Бу боппуруос көннөрү уларытыы эрэ буолбатах. Бу - суол хаачыстыбатын тупсарарга, айан-сырыы куттала суох буолуутун хааччыйарга туһуламмыт стратегиялаах үлэ. Мунньахха "Кангаласс - Кыһыл Маяк" саҥа суол хайысхатын үөрэтэн көрөн, сырыы сылдьар сирин чуолкайдаан, докумуонун оҥорон баран, өрөспүүбүлүкэ бас билиитигэр биэрэр туһунан боппуруос көтөҕүлүннэ. Бу "Кангаласс - Кыһыл Маяк" суол олоххо киирдэҕинэ ити эҥэр олорор нэһилиэнньэ сылдьар сырыыта түргэтиир, сайдыыга саҥа кыахтары арыйар улахан хардыы. Мунньах түмүгүнэн докумуоннары хомуйар, бэлэмниир үлэни саҕалыырга быһаарылынна. Улуус дьаһалтатын пресс-сулууспата.