😳 Сосискалардан хлорка исе килә! Сыйфат өчен кем җаваплы?
😳 Сосискалардан хлорка исе килә! Сыйфат өчен кем җаваплы? ✏️ Дуслар, сезнең белән бер хәлне уртаклашасыбыз килә. Кичә кибеттән сосискалар алган идек. Өйгә кайткач, ачып карасак, аннан хлорка исе килә! 😳 Әйтерсең, хлорка белән юганнар. Исе шулкадәр көчле, хәтта ризыкка якын килерлек тә түгел.😤🤮 Кичтән алган идек, иртән үк кире кибеткә илтеп бирдек. Кибет хезмәткәрләре берсүзсез кабул итеп алдылар, гафу үтенделәр. Аларны гаепләмим, чөнки бу хәлдә аларның гаебе булмаска да мөмкин. 🤔Ләкин мине икенче сорау борчый: сатып алучыга нишләргә соң? Без бит кибеттән ризык алганда аның сыйфатлы, ашарга яраклы булуына ышанабыз. Һәрбер алган әйберне кибеттә үк ачып, иснәп, тикшереп утырыргамыни? Әгәр дә вакытында ачып карамаган булсак, нәрсә булыр иде? Ә балалар ашаса? 🤢🤮 ❓Дуслар, сезнең мондый хәлгә юлыкканыгыз бармы? Мондый очракларда нишләргә кирәк дип уйлыйсыз? Кибеттән алган һәрбер ризыкны тикшереп тору сатып алучының бурычымы, әллә җитештерүчеләрнең сыйфат өчен җаваплылыгы көчлерәк булырга тиешме? Фикерләрегезне языгыз әле. Мондый хәлләр бит һәммәбез белән дә булырга мөмкин.
Канал в каталоге Максиметера
1 284 подписчиков · Новости