Бэҕэһээ, кулун тутар 30 күнүгэр, Үөһээ Бүлүүтээҕи олоҥхо дьиэтигэр, Өрөспүүбүлүкэҕэ киэ... — 31 марта 2026 г. в 13:53:25.413
Бэҕэһээ, кулун тутар 30 күнүгэр, Үөһээ Бүлүүтээҕи олоҥхо дьиэтигэр, Өрөспүүбүлүкэҕэ киэҥҥин биллибит «Байанай», «Уолан» бөлөхтөр солистара Ньургун Николаев сырдык кэриэһигэр «Көҥүл Саха» тыыннаах дорҕоон түһүлгэтэ төрүттэннэ. Тэрээһиҥҥэ Үөһээ Бүлүүттэн, Ньурбаттан, Сунтаартан, Мэҥэ Хаҥаластан, Дьокуускайтан, ыраах Орто Халыматтан ааттаах-суоллаах уонна саҥа саҕалааччы бөлөхтөр кыттыыны ыллылар. «Байанай», «Уолан» бөлөхтөр репертуардарыттан элбэх ырыа ылланна, авторскай ырыалар дуораһыйдылар. Тыыннаах дорҕоон түһүлгэтигэр биһиги үөрэхпит кыһата - Күн Өркөн «BaArt» ВИАта кыттыыны ылан, Үөһээ Бүлүү бөһүөлэгэ туруорбут 20 тыһыынчалаах анал бирииһин хаһаайыннарынан буоллулар. «BaArt» ВИА уус-уран салайааччытын Роман Кысылбаиковы уонна кини уһуйуллааччыларын тыыннаах дорҕоон түһүлгэтигэр ситиһиилээхтик кыттыбыттарынан эҕэрдэлиибин! Айар үлэҕит таһаарыылаах буоллун, инникитин өссө да ситиһиилэр кэлэ турдуннар!