Бүгүн, кулун тутар 31 күнүгэр, РФ үтүөлээх коллектива, Федор Федорович Гоголев аатынан... — 31 марта 2026 г. в 14:56:48.421
Бүгүн, кулун тутар 31 күнүгэр, РФ үтүөлээх коллектива, Федор Федорович Гоголев аатынан Чыаппаратааҕы Эр дьон народнай хора 30 сыллаах үбүлүөйүн үөрүүлээх чааһыгар кыттыыны ыллым. Чыаппаратааҕы Эр дьон народнай хорун үөскээһинэ, атаҕар туруута уонна билиҥҥитэ биһиги үөрэхпит кыһатын кытта ыкса сибээстээх. Ол курдук, талааннаах мелодист, баянист, хоһоонньут, Чурапчы гимнын автора, хор төрүттээччитэ Федор Федорович Гоголев, СӨ култууратын үтүөлээх үлэһитэ, хору өр сылларга салайбыт, үрдүк таһымҥа таһаарбыт, Лыткина Екатерина Марковна уонна хор билиҥҥи салайааччыта, Юмшанова Елена Дмитриевна биһиги үөрэхпит кыһатын хоровой салаатын выпускниктара буолаллар. Өссө төгүл Чыаппаратааҕы эр дьон норуоднай хорун бүттүүн кэллэктиибин 30 сыллаах үбүлүөйгүтүнэн итиитик-истиҥник эҕэрдэлиибин! Инникитин да айар үлэҕитин тыа сирин түбүктээх олоҕун кытары сыһыары тутан, эр киһи, аҕа оруолун обществоҕа үрдэтиигэ бэртээхэй холобур буола туруҥ, Өрөспүүбүлүкэбит хоровой ускуустубатын сайдыытыгар бэйэҕит кылааккытын утумнаахтык киллэриҥ! Үлэҕит таһаарыылаах буоллун, айар аартыктаргыт алгыстанныннар!