Бэҕэһээ, бэс ыйын 23 күнүгэр, төрөөбүт дойдум Таратым ыһыа5ар ыалдьыттаатым. — 24 июня 2026 г. в 04:41:48.410
Бэҕэһээ, бэс ыйын 23 күнүгэр, төрөөбүт дойдум Таратым ыһыа5ар ыалдьыттаатым. Быйылгы ыһыах ытыктыыр, убаастыыр убайбыт, успуорт эйгэтигэр Саха сирин Аан дойду таһымыгар үгүстүк ааттаппыт - самбоҕа Аан дойду үс төгүллээх чөмпүйүөнэ, успуорт үтүөлээх маастара, «Гражданскай килбиэн» уонна «Бочуоттаах динамовец» бэлиэлэр хаһаайыннара, улууспут Бочуоттаах олохтооҕо Николай Иванович Цыпандин 60 саастаах үбүлүөйүгэр ананна. Өбүгэлэрбит түстээбит үгэстэрин салҕаан, алгыс этэн үтүө, өҥ-быйаҥ сайыны, эйэни, этэҥҥэ буолууну айыыларбытыттан, сир-дойду иччилэриттэн көрдөстүбүт, үтүөнү-сырдыгы түстээтибит! Төрөөбүт дойдум, тапталлаах Таратым олохтоохторун, ытык-мааны ыалдьыттарын нэһилиэк Үрүҥ Тунах ыһыаҕынан өссө төгүл итиитик-истиҥник эҕэрдэлиибин! Баҕарабын барыгытыгар кытаанах доруобуйаны, тус олоххутугар дьолу-соргуну! Үүммүт сайын өҥ-быйаҥ буоллун, үчүгэйи, үтүөнү эрэ аҕаллын!