💥Даараныкчылар взводу — Сылдыс
💥Даараныкчылар взводу — Сылдыс 📢Республиканың база бир онзагай булу- ңу — Эрзин кожууннуң Булуң-Бажы сумузунуң чону тускай шериг операциязы эгелээнден бээр дайынчы оолдарывыска деткимче көргүзер ажылдарга идепкейин көргүзүп келген. Суурувустуң кээргээчел, буянныг улуг-бичии чону херээжен чоннуң идепкейи-биле «Даараныкчылар взводу — Сылдыс» бөлүктү тургузуп алгаш, «Шупту чүүлдү фронтуже!» акцияга каттыжып, боттарының шыдаар шаа-биле деткимче ажылдарын чорудуп эгелээн. Эрткен 2025 чылдың ноябрь 28-те республикага «Тылдың ажыл-ишчизи» деп шуулганга Эрзин кожуунну төлээлеп киришкеш, төрээн кожуунунуң адын төлептии-биле тудуп, шаңнал-макталдыг чанып келгеннер. Кызымак, кээргээчел сеткилдиг, бодунуң ажы-төлү дег чоннуң оолдарын бодап чоруур иелерни чон билир. Бо буянныг бөлүктүң удуртукчу- зу – сумунуң баштыңы, аныяк ие Байлакай Дембирел база ус-шевер даараныкчылар Белекмаа Күжүгет, Борбаана Хорбаа, Чаймаа Борбак-оол, Татьяна Сандык, Галина Сандыкчап, Татьяна Буду, Татьяна Хүндүү, Светлана Сандыкчап, Тамара Ток дээш өскелер-даа. Олар дайынчыларга чылыг хөректээштер, хол-хаптар, уктар, камгаланыр четкилерни аргып-даарап, ол ышкаш генераторлар дээш эң-не хереглелдиг чүүлдер садар акша чыылдазынга база идепкейлиг киржип турарлар. Ынчангаш дайынчы оолдарывыска быжыг турушту, тура-сорукту, хей-аътты, сүлдези бедик болурун күзевишаан, Төрээн Тываңарже онча-менди ээп чанып келир силер, оолдарывыс, деп йөрээдивис! / Светлана ДОКТААЛАЙ (Эрендей), РФ-тиң хүндүлүг башкызы. Чурукту ТМГ-ден алган. “Шын” №13 2026 чылдың апрель 9