Бүгүн, ыам ыйын 20 күнүгэр, Дьокуускай куоракка «Якутгазпроект» ХЭТ генеральнай директо...
Бүгүн, ыам ыйын 20 күнүгэр, Дьокуускай куоракка «Якутгазпроект» ХЭТ генеральнай директорын Харчик Василий Адамовиһы кытта көрсөн, Бүлүү өрүс уҥуор нэһилиэктэрин гаастааһын бырайыагын үлэтэ хайдах баран иһэрин билистибит. Билиӈӈи туругунан өрүс уҥуоргу нэһилиэктэр икки ардыларыгар уонна нэһилиэктэр истэригэр тардыллар гаас ситимин бырайыактааһын үлэтэ түмүктэннэ. Салгыы Тамалакаан нэһилиэгиттэн Орто Түҥ сиригэр тиийэр гаас магистральнай турбатын тардыы бырайыагын судаарыстыбаннай экспертизатын ааһыы былааннанар. Бу экспертиза бырайыак бары ирдэбиллэргэ сөп түбэһэрин хааччыйыаҕа. Санатан эттэххэ, Бүлүү өрүс уҥуоргу нэһилиэктэри гаастааһын үлэтэ 2030 сылга диэри түмүктэнэрэ былааннанар, оттон бырайыактааһын үлэтэ быйыл түмүктэнэрэ күүтүллэр. Сотору кэминэн өр күүппүт, историяҕа киирэр ыра санаабыт туолан, Бүлүү өрүс уӈуоргу нэһилиэктэр "Социальнай газификация" диэн "Биир ньыгыл Россия" партия норуодунай бырагыраамматынан газ ситимигэр холбонор кыахтаныахтара. Бу бырайыак биһиги улууспут олохтоохторун олоҕун хаачыстыбатын үрдэтиигэ, социальнай-экономическай сайдыыга сүҥкэн кылааты киллэриэҕэ. #ГазификацияЛевобережьяРекиВилюй #Сахатранснефтегаз #Якутгазпроект #ЕдинаяРоссия T.me/ValeriNikolaev