Харбин куоракка ыытыллар Х-с Арассыыйа уонна Кытай Экспотын чэрчитинэн “Саха Сирэ уонна...
Харбин куоракка ыытыллар Х-с Арассыыйа уонна Кытай Экспотын чэрчитинэн “Саха Сирэ уонна Кытай провинциялара” диэн III-с дойду икки ардыларынааҕы форумҥа кыттыыны ыллыбыт. Бу аан дойду таһымнаах суолталаах форумҥа Саха Өрөспүүбүлүкэтин улуустарын Кытай провинцияларын кытта бииргэ үлэлэһиилэрин ситиһиилээх бырайыактарын үтүө түмүктэрин уонна уопут атастаһыытын тула дириҥ кэпсэтии ыытылынна. Ону тэҥэ, инники былааннары, кэскиллээх хайысхалары быһаарсыыга олус туһалаах түгэн буолла. Форум үлэтигэр Саха Өрөспүүбүлүкэтин Ил Дархана Айсен Сергеевич Николаев, Хэйлунцзян провинциятын губернаторын солбуйааччы Хань Шэнцзянь, Арассыыйа Федерациятын Тас дьыалаҕа министиэристибэтин Азия департаменын директорын солбуйааччы Владимир Ощепков курдук үрдүк таһымнаах дьон кыттыыны ыллылар. Ил Дархан Айсен Николаев киирии тылыгар, бу күннэргэ бииргэ үлэлэһэр туһунан сөбүлэһиини түһэрсибит улуустар Саха Сирин уонна Кытай провинцияларын доҕордоһууларыгар сүҥкэн кылааты киллэрэн, саҥа сайдыы суолун арыйаллар диэн бэлиэтээн эттэ. Бу тыллар биһиги улууспут инникитин сайдыытыгар саҥа эрэли уонна кэскили оҥороллор. Маны таһынан, Кытай куораттара Хулунбуир, Цзямуси, Хэйхэ, Хинган, Цзянси, Хуньчунь куораттара, ону кытта Нерюнгри, Алдан, Хаҥалас, Горнай улууһун баһылыктара бииргэ үлэлэспит бырайыактарын түмүктэрин, ситиһиилэрин кэпсээтилэр. Бу форумҥа кыттыы Үөһээ Бүлүү улууһун аан дойду таһымыгар таһаарыыга, экэниэмикэ, култуура, туризм уонна социальнай эйгэлэргэ саҥа партнердары буларга улахан суолталаах. Инникитин бу алтыһыыттан улууспут чэчирии сайдыытыгар туһанар былааннаахпыт. #Китай #Якутия #ВерхневилюйскийУлус T.me/ValeriNikolaev