Хэйлунцзян үҥкүү тыйаатырыгар Саха Өрөспүүбүлүкэтин хотугу норуоттарын судаарыстыбаннай...
Хэйлунцзян үҥкүү тыйаатырыгар Саха Өрөспүүбүлүкэтин хотугу норуоттарын судаарыстыбаннай тыйаатырын уонна Михаил Годенко аатынан Красноярскай куорат академическай үҥкүү ансаамбылын кыттыылаах, Арассыыйа уонна Саха Сирин төрүт култууратын билиһиннэрэр доҕордоһуу концерта үрдүк таһымнаахтык ыытылынна. Бу тэрээһин “Железные дороги Якутии” акционернай хампаанньа өйөбүлүнэн буолан ааста. Концертка Үөһээ Бүлүү улууһуттан талааннаах хомусчут-импровизатор, Аан дойдутааҕы хомус түмэлин исписэлииһэ Айсен Дьоллоохоп уонна Саха Өрөспүүбүлүкэтин хотугу норуоттарын судаарыстыбаннай тыйаатырын үҥкүүһүтэ Вилена Слепцова бэйэлэрин дьоҕурдарын толору көрдөрдүлэр. Арассыыйа, Саха Сирин баай уонна ураты култуурата, кини дириҥ ис хоһооно концертка мустубут Харбин олохтоохторун сүрдээҕин долгутта уонна биһирэбилин ылла. Бу курдук тэрээһиннэр норуоттар икки ардыларыгар култуура өттүнэн сибээһи бөҕөргөтөллөр, уонна доҕордоһуу бигэ тирэҕин үөскэтэллэр. Биһиги улууспут дьоҕурдаах ыччата аан дойду таһымыгар тахсан дойдуларын аатын ааттаталларыттан киэн туттабыт. #Китай #Якутия #ВерхневилюйскийУлус