Марий Элыште Айдемын праваже шотышто уполномоченный пеленысе Самырык-влакын советыштын ...
Марий Элыште Айдемын праваже шотышто уполномоченный пеленысе Самырык-влакын советыштын еҥышт Мер эскерымаш рӱдерыште чолган пашам ыштат. Тиде пашан негызше - Марий Элыште Айдемын праваже шотышто уполномоченный Фанис Мухаметгалиев ден Мер эскерымаш штабын председательже Евгений Кузнецовын пашам пырля ыштыме нерген подписатлыме ойпидышышт. ЦОН вуйлатышын алмаштышыже, Самырык-влакын советыштын председательже Владимир Ваулинын каласкалымыж почеш, эскерымаш штатный режимыште эрта. Тылеч ончыч ӱдыр-рвезе-влак эскерышын ,,шӧртньӧ стандартше,, почеш тунемыныт. Рӱдер сутка мучко пашам ышта, сандене смене дене дежуритлат. Рӱдерын икымше паша кечынже нарушений палдырнен огыл. Тыгодым Шернур округышто, мутлан, Марий Йӱштӧ Кугызан йӱклаш толмыжым онченыт.