Марий Элыште Айдемын праваже шотышто уполномоченный Фанис Мухаметгалиев теҥгече, 17 сен...
Марий Элыште Айдемын праваже шотышто уполномоченный Фанис Мухаметгалиев теҥгече, 17 сентябрьыште, Медведево районышто избирательный участке-влакын пӧлемыштын сайлымашлан ямде улмыштым терген. Межведомственный команде дене пырля районысо ТИК ден 334-ше да 337-ше номеран участковый комиссий-влакын пӧлемлаштым ончал савырненыт, комиссий-влакын председательышт да еҥышт дене мутланеныт. Тыгак посна тӱткышым участке-влакын маломобильный еҥ-шамычлан йӧнан улмыштлан, лӱдыкшыдымылыклан, сайлыше-влакым увер дене палдарымашлан ойыреныт. - Избирательный правам шукташ чаракым ыштен кертше нарушений-влакым вашлийме огыл. Участке-влак икымше пачашыште верланеныт, йӱклаш йӧн ышталтын. Комиссий-влакын председательыштлан правам аралыме сынан икмыняр темлымашым ыштыме,- возен Фанис Мухаметгалиев шке МАХ каналыштыже.