Марий Элыште туныктышо-влакат йӱклат. А южышт эше шочмо кечыштым тыге вашлийыт.
Марий Элыште туныктышо-влакат йӱклат. А южышт эше шочмо кечыштым тыге вашлийыт. Йошкар-Оласе 32-шо №-ан школын директоржо Наталья Пушкина таче шочмо кечыжым палемда. Таче тудо паша верышкыже толмеке вигак шке граждан порысшым шуктен. Наталья Васильевна шке йӱкшым дистанционный электрон йӱклымаш палтформышто пуэн. - Тачысе кече чынжымак ойыртемалтше. Шочмо кечыштем порысем шуктенам! Сайлымаш тӱҥалме кече да шочмо кечем ик вереш ушнымо таклан огыл шонем. Сайлымаште шке граждан порысым шуктымашым кӱлешанлан шотлем, кажне еҥ шке конституционный праваж дене пайдаланышаш. Шочмо кечем ынде курымешлан эше тиде кугу событий дене кылдалтеш. Ӱшанем, примерем йолташ ден лишыл еҥем-влакымат сайлыме участкыш шуаш кумылаҥда. Вет лач мемнан йӱкна деч эрласе кече могай лийшаш кылдалтеш, - каласен шке воткыл лаштыкыштыже Наталья Пушкина. Фотом Наталья Пушкинан воткыл лаштыкше гыч налме.