Марий Эл Кугыжаныш Погын председательын алмаштышыже ден ,,Единый Россий,, партийын секр...
Марий Эл Кугыжаныш Погын председательын алмаштышыже ден ,,Единый Россий,, партийын секретарьжын алмаштышыже-влак Александр Смирнов ден Александр Майоров Мер эскерымаш рӱдерыште лийыныт. - Мый тыште шке УИК-ем муынам да селаштем улшо йӱклымаш верым ончальым. Чылажат сай кумыл дене, тума деч посна эрта. Тӱҥжӧ тышке кажне еҥ толын кертеш. Теве ме ласкан, нимогай чарак деч посна пурышна. Чыла коеш, - палемден Александр Смирнов. Александр Майоров рӱдерын пашаже кугу кӱкшыт дене шукталтеш манын ойлен. Тудо Мер эскерымаш штабын ямдылалтме пашажлан тауштен. - Тыгай процессым организоватлаш неле. Но легитимностьым ыштыме йодыш кӱлешан. Кузе еҥ-влак йӱклат, участковый избирательный комиссиий-шамычын еҥышт кузе пашам ыштат - чыла коеш, - палемден Александр Иванович.