Нам улууһун делегацията Дьокуускайга буолбут Гражданскай форумҥа кыттыыны ылла
Нам улууһун делегацията Дьокуускайга буолбут Гражданскай форумҥа кыттыыны ылла Атырдьах ыйын 25 - 26 күннэригэр Дьокуускай куоракка Саха Өрөспүүбүлүкэтин Общественнай палататын 15 сыллаах юбилейыгар анаммыт өрөспүүбүлүкэтээҕи Гражданскай форум үрдүк таһымнаахтык ыытылынна. Бу общественнай суолталаах тэрээһин үлэтигэр Нам улууһуттан 8 киһилээх делегация активнай кыттыыны ылла. Нам улууһун активистара форум икки күнүн устата араас хайысхалаах площадкаларга үлэлээтилэр (барыта 5 площадка үлэлээтэ). Ол курдук, «Точка кипения» кииҥҥэ НКО-ларга анаан кэлэр сыллааҕы граннарга сайаапка балаһыанньаларын уратыларын уонна сыыһаларын ырытар семинардарга үөрэннилэр. Общество сомоҕолоһуутугар, духуобунай-сиэрдээх сыаннастары чөлгө түһэриигэ уонна СВО ветераннарын социальнай реабилитациялааһыҥҥа анаммыт төгүрүк остуолларга бэйэлэрин санааларын уонна уопуттарын үллэһиннилэр. Ону тэҥэ «Оҕолоох ыаллары өйөөһүн — демографическай политика ситиһиитин төрдө» диэн площадка үлэтигэр кыттыыны ыллылар. Тэрээһин түмүгүнэн форум кыттыылаахтара өссө таһаарыылаахтык үлэлииргэ, саҥа бырайыактары олоххо киллэрэргэ саҥа күүс-уох уонна бигэ санаа ылыннылар. «Нам улууһа» МО пресс-сулууспата