Күн бүгүн улууспутугар 28 уһуйаан, 4 оскуола иннинээҕи бөлөхтөр оскуолаларга айымньылаа...
Күн бүгүн улууспутугар 28 уһуйаан, 4 оскуола иннинээҕи бөлөхтөр оскуолаларга айымньылаахтык үлэлииллэр. Кинилэр күннэтэ ыытыллар ситимнээх үлэлэрэ 1596 кырачаан оҕо эт-хаан өттүнэн доруобай, чиҥ билиилээх, олоххо бэлэмнээх, бэйэтин омугунан, төрөөбүт дойдутунан киэн туттар киһи буола улаатарыгар туһуланар. Хас биирдии уһуйааҥҥа оҕо сылдьар эйгэтэ тупсарын, саҥа ирдэбиллэргэ эппиэттиирин туһугар сыралаах үлэ ыытыллар. Иитээччи үрдүк аатын өрө тутан, сүрэхтэрин сылааһын оҕолорго иҥэрэн үлэлээн ааспыт уонна үлэлии сылдьар иитээччилэрбитигэр уонна уһуйааннар үлэһиттэригэр махталбын тиэрдэбин. Убаастабыллаах иитээччилэр! Кырачаан дьоҥҥо күннэтэ үөрүүнү бэлэхтиир, сырдыкка-кэрэҕэ угуйар үлэҕитигэр үгүс ситиһиини, идэҕитигэр олоҕу кытары тэҥҥэ сайдыыны, тус олоххутугар дьолу-саргыны баҕарабын! Убаастабылы кытта, "Нам улууһа” муниципальной оройуон баһылыга Юрий Иннокентьевич Слепцов
Канал в каталоге Максиметера
552 подписчиков · Госорганы и учреждения