Бүгүн, балаҕан ыйын 24 күнүгэр, Хамаҕатта нэһилиэгин спортивнай олоҕор бэлиэ түгэн үүн...
Бүгүн, балаҕан ыйын 24 күнүгэр, Хамаҕатта нэһилиэгин спортивнай олоҕор бэлиэ түгэн үүннэ. Ол курдук “Куорат табыгастаах эйгэтин тэрийии” федеральнай бырайыагынан тутуллубут элбэх функциялаах спорт саҥа былаһаакката үөрүүлээхтик арылынна. Былаһаакканы Хамаҕаттаттан төрүттээх урбаанньыт Семен Кривогорницын тутан үлэҕэ киллэрдэ. Элбэх аналлаах былаһаакка олус ураты, сонун оҥоһуулаах. Ол курдук, манна киэҥ-куоҥ сүүрэр дорожкалаах футболлуур хонуу, саахымат, теннис остуоллара, уулусса тренажердара бааллар, былаһаакка тула өттө уотунан-күөһүнэн сандааран ыраахтан угуйа-ыҥыра турар. Тутуу бырайыагын улуус кылаабынай архитекторынан үлэлии сылдьыбыт, эдэр, талааннаах, ураты көрүүлээх Анна-Мария Степанова оҥорбут.
197 просмотров