Күндү ытык-мааны Нам улууһун олохтоохторо, күндү биир дойдулаахтарым!
Күндү ытык-мааны Нам улууһун олохтоохторо, күндү биир дойдулаахтарым! Бу күннэргэ буолан ааспыт Судаарыстыбаннай Дуума быыбарыгар көхтөөхтүк кыттан, улууспут туһугар бэйэҕит гражданскай позицияҕытын көрдөрбүккүт иһин эһиэхэ истиҥ махталбын биллэрэбин! Нам улууһа өрүү бэйэтин сомоҕолоһуутунан, үрдүк култууратынан уонна дойдуга бэриниилээх буолуутунан биллэр. Биһиги хас бирдиибит куолаһа – улууспут инники сайдыытыгар сүдү суолталаах буоларын сөпкө өйдөөн бары биир сомоҕо буолан, «Биир ньыгыл Арассыыйа» партияны уонна Петр Витальевич Шамаевы улаханнык өйөөн, эрэллээхтик инники күөҥҥэ таһаардыбыт. Сахабыт сирин уонна төрөөбүт Наммыт сирин-уотун кэскилигэр, сайдыытыгар туһуламмыт бу үтүө быһаарыыгыт иһин улаханнык махтанабын. Бу түмүк - биһиги төрөөбүт дойдубутугар үтүө сыһыаммытын, дьоммут-сэргэбит, оҕолорбут кэскиллэрин туһугар эппиэтинэстээх буолары туоһулуур.