Саха Өрөспүүбүлүкэтин олох-дьаһах, коммунальнай хаһаайыстыба уонна энергетикатын минист...
Саха Өрөспүүбүлүкэтин олох-дьаһах, коммунальнай хаһаайыстыба уонна энергетикатын министиэристибэтин бирикээһинэн, өр сыллаах таһаарыылаах үлэлэрин иһин «Намкоммунтеплоэнерго» АО тутаах үлэһиттэрэ «Саха Өрөспүүбүлүкэтигэр олох-дьаһах коммунальнай хаһаайыстыбатын уонна энергетикатын сайдыытыгар үтүөлэрин иһин» түөскэ ииллиллэр бэлиэнэн наҕараадаланнылар: ✅Скрябин Роман Петрович — эксплуатация сулууспатын слесарь-ремонтнига; ✅Гаврильев Петр Семенович — Таастаах нэһилиэгин газовай тэриллэри өрөмүөннүүр слесара; ✅Верещагина Галина Васильевна — саахалы утары диспетчерскай сулууспа диспетчерэ. ✅Өр сыллаах уонна таһаарыылаах үлэтин иһин Саха Өрөспүүбүлүкэтин олох-дьаһах, коммунальнай хаһаайыстыба уонна энергетикатын министиэристибэтин «Намкоммунтеплоэнерго» АО суоппара Бугаева Александра Анатольевич Бочуоттаах грамотатынан бэлиэтэннэ. Нам улууһун социальнай-экономическай сайдыытыгар өр сыллаах үтүө суобастаах үлэлэрин, ситиһиилэрин уонна кылааттарын иһин наҕараадаланнылар: «Нам улууһа» МО Баһылыгын Бочуоттаах грамотатынан: ✅Матвеев Петр Матвеевич — «Намкоммунтеплоэнерго» АО туһаныы (эксплуатация) сулууспатын начаалынньыга; ✅Иванов Виталий Саввич — Сыгыннахтан 4-с разрядтаах слесарь-ремонтник. «Нам улууһа» муниципальнай оройуон Баһылыгын Махтал суругунан: ✅Мухин Иннокентий Николаевич — Тумултан газовай уоттукаҕа 2-с разрядтаах куотал масыныыһа; ✅Иванов Василий Васильевич — Сыгыннахтан 2-с разрядтаах охранник (сторож). Наҕараадаламмыттары «Нам улууһа” МО дьаһалтатын аатыттан эҕэрдэлиибит! Саҥа ититии сезонун этэҥҥэ, саахала суох уонна ситиһиилээхтик ааһаргытыгар баҕарабыт! Эһиэхэ чэгиэн доруобуйаны, уостубат күүһү-уоҕу уонна дьиэ кэргэҥҥитигэр этэҥҥэ буолууну баҕарабыт!⤵️