Тыа хаһаайыстыбатын управлениетын начальнига Владимир Макаров иһитиннэриитэ
Тыа хаһаайыстыбатын управлениетын начальнига Владимир Макаров иһитиннэриитэ - Бу сааскыттан ыытыллыбыт «Агротуризм» федеральнай куонкурус түмүктэрэ билиннилэр. Россия үрдүнэн 21 тэрилтэ (ол иһигэр урбаанньыттар) кыттыбытыттан, Саха сириттэн 2 сайаапка барбытыттан, биирэ Нам улууһуттан Терешкин Степан Степанович кыайыылааҕынан ааттанна. Степан Степанович федеральнай гранынан дьиэлэрин, балаҕан туттан саҕалыаҕа, техника, таба атыылаһыаҕа. Хомуур үлэтэ түмүктэннэ. Билигин хортуоппуйу переборкалааһын ыытыллар. Төһө да бааһыналары сайыҥҥы уу ыллар, быйыл оҕуруот аһын үүнүүтэ үчүгэй. Кыстыкка бэлэмнэнии күүскэ барар. Хотоннор өрөмүөннэрэ түмүктэнэллэр. Алтынньы 6 күнүнээҕи туругунан, 2670 тн үүт ыанна. Былаан - 3067 тн. Былырыыҥҥы сылы кытта тэҥнээн көрдөххө, эбиллии бэлиэтэнэр. Мунньах түмүгүнэн улуус баһылыга Юрий Слепцов тустаах тэрилтэлэр салайааччыларыгар сорудахтары биэрдэ: - «Бизнес-киин» тэрилтэ (сал. Бугаев Б.Б.) уонна улуустааҕы тыа хаһаайыстыбатын управлениета (нач. Макаров В.И.) улуустааҕы социальнай харалта управлениетын (сал. Петрова Л.И.) кытта бииргэ үлэлэһэн кэтэх көмө хаһаайыстыбаны тэриниигэ көрүллүбүт социальнай хантыраак квотатын толорууну хааччыйалларыгар; - нэһилиэктэргэ буруо тахсыбытын иһитиннэрэр автономнай тэрили (АДПИ) туруоруу үлэтин, хас биирдии олорор дьиэҕэ уот ситимин хаһаайыстыбатын боппуруоһун кэлимник көрөр үлэни күүһүрдэргэ; - киэн туттар биир дойдулаахпыт, Саха сирин уһулуччулаах государственнай уонна политическай диэйэтэлэ М. К. Аммосов 130 сылыгар аналлаах үбүлүөйдээх тэрээһиннэри тэрийиигэ уонна ыытыыга республикатааҕы тэрийэр кэмитиэти тэрийэр туһунан СӨ Баһылыгын дьаһалын тахсыытын ситиһии; - анал байыаннай дьайыы кыттыылаахтарын уонна кинилэр дьиэ кэргэттэрин оҕолорун эбии үөрэхтээһиҥҥэ, идэҕэ хайысхалааһыҥҥа, оҕо хамсааһыныгар кытыннарыыга, шефствоны тэрийиигэ былааннаах үлэни ыытарга; - Намнааҕы киин балыыһа уонна И.С. Гаврильев аатынан Нам 1№-дээх оскуолата медицинскэй колледж филиалын арыйыыга бииргэ үлэлэһэллэригэр, о.д.а. "Нам улууһа" МО пресс-сулууспата