Бу дьыл сэтинньи ыйын бастакы аҥарыгар Нам улууһуттан анал делегация байыаннай дьайыы б...
Бу дьыл сэтинньи ыйын бастакы аҥарыгар Нам улууһуттан анал делегация байыаннай дьайыы буола турар сиригэр — тирэх пууннарга Ийэ дойдуларын иннигэр ытык иэстэрин толоро сылдьар биир дойдулаахтарбытын көрсө, кинилэргэ гуманитарнай көмө тиэрдэ айанныаҕа. «Нам улууһа” МО дьаһалтатын дьиэ кэргэн уонна ыччат политикатын отделын специалиһа Матрена Охлопкова: — Көмө акция саҕаланыаҕыттан улуус олохтоохторо, тэрилтэлэр уонна общественнай түмсүүлэр биир дойдулаахтарбытыгар, хорсун уолаттарбытыгар бары этэҥҥэ эргиллэн кэлиннэр диэн ис дууһаларыттан күүс-көмө буолаллар. Кинилэр наадалаах туттар малы-салы, таҥаһы-сабы, эми-тому, хаххалыыр сеткалары уонна истиҥ суруктары аҕалан туттардылар. Ону таһынан, айанныыр делегация уолаттар чугас дьонноро ыыппыт 20 анал баһыылкаларын илдьэн тиэрдиэҕэ. Улуус нэһилиэктэрэ уолаттарбытыгар анаан 1600 устуука бэрэски астаан, тоҥорон аҕаллылар. Ону тэҥэ, нэһилиэктэртэн 840 ыһаарыламмыт собо балык уонна 80 баанка барыанньа кэллэ. Күүс-көмө буолбут улууспут олохтоохторугар үтүө уонна кыһамньылаах санааҕыт иһин истиҥ махталбытын биллэрэбит. Хорсун саллааттарбытыгар төрөөбүт дойдуларыттан кэлбит көмө уонна истиҥ эҕэрдэ, санаа күүс-уох эбиэҕэ, санааларын көтөҕүөҕэ диэн эрэнэбит!⤵