Улуус дьаһалтатын актовай залыгар дьиэ кэргэн политикатын сэбиэтин иккис уочараттаах му...
Улуус дьаһалтатын актовай залыгар дьиэ кэргэн политикатын сэбиэтин иккис уочараттаах мунньаҕа буолан ааста. Мунньаҕы улуус баһылыга, сэбиэт бэрэссэдээтэлэ Юрий Слепцов салайан ыытта. Мунньах сүрүн сыала — улууска демографическай балаһыанньаны тупсарыыга, эдэр дьиэ кэргэттэр улууска олохсуйууларын ситиһэр былааннаах үлэни ыытыы. Бу боппуруоска сүрүн дакылааты дьиэ кэргэн уонна ыччат политикатын отделын начальнига Екатерина Евстафьева оҥордо. Ону таһынан, дьиэ кэргэн экономикатын сайыннарыы, төрүт дьиэ кэргэн сыаннастарын тарҕатыыга улуус нэһилиэктэрин дьаһалталарын уонна общественность оруола, дьиэ кэргэн сэбиэтин 2027 сыллааҕы үлэтин былаанын дьүүллэһии уонна бигэргэтии курдук боппуруостар көрүлүннүлэр. Улуус баһылыга Юрий Слепцов: «Дьиэ кэргэн — улууспут кэскилэ, олохпут тирэҕэ. Онон биһиги сүрүн сорукпут — эдэр дьиэ кэргэттэри тулалыыр өттүттэн күүскэ өйөөһүн, ыччат олохсуйуутун ситиһии. Демография боппуруоһун быһаарарга хас бирдии нэһилиэккэ олохтоох производстволары сайыннарыахтаахпыт итиэннэ биир хайысханан сайдар, олохсуйар, сынньанар усулуобуйаны олохтуохтаахпыт», — диэн бэлиэтээтэ. Мунньахха көрүллүбүт боппуруостары дьүүллэһиигэ нэһилиэктэр баһылыктара, общественнай сэбиэт чилиэннэрэ, тэрилтэ салайааччылара уонна тустаах специалистар көхтөөх кыттыыны ыллылар, бэйэлэрин санааларын үллэһиннилэр уонна этиилэри киллэрдилэр. Мунньахха нэһилиэктэр ВКС сибээс нөҥүө эмиэ кыттыыны ыллылар. Мунньах түмүгүнэн протокол толорулунна: ⤵️
Канал в каталоге Максиметера
555 подписчиков · Госорганы и учреждения