АМ

Администрация МР «Намский улус»

Госорганы и учреждения · 6 ноября 2026 г.

Открыть канал в MAX

ИРКУТСКАЙТАН ҮӨРҮҮЛЭЭХ СОНУН!

ИРКУТСКАЙТАН ҮӨРҮҮЛЭЭХ СОНУН! Ангарск  куоракка ыытыллыбыт Бүтүн Россиятааҕы  нуучча дуобатыгар күрэххэ Хамаҕаттатааҕы “Олимпик” спортивнай оскуола иитиллээччилэрэ  Жирков Вася уонна Айнара Нестерева спортивнай разрядтары толорбуттарын туһунан үөрүүлээх сонуну туттубут! Нам улууһун эдэр дуобатчыттара алтынньы 27 - сэтинньи 3 күннэригэр  Иркутскай уобалас Ангарск куоратыгар  ыытыллыбыт Бүтүн Россиятааҕы  нуучча дуобатыгар күрэххэ ситиһиилээхтик кытыннылар. Ол курдук, Надежда Протопопова тренердээх   Хамаҕаттатааҕы “Олимпик” спортивнай оскуола иитиллээччилэрэ  Жирков Вася -  2-с, оттон Айнара Нестерева 3-с спортивнай разрядтары толордулар. Эрдэ суруйбуппут курдук, бу күрэххэ Нестеров Арчын молниеноснай программаҕа - 2-с, классическай оонньууга 3-с миэстэлэри ылан чаҕылхай көрдөрүүлэммитэ. Надежда Георгиевнаны өр сыллаах дьаныардаах үлэҥ үтүө түмүктэммитинэн, оҕолору үрдүк ситиһиилэринэн  эҕэрдэлиибит! Саҥаттан саҥа кыайыылар кэлэн истиннэр!   “Нам улууһа” МО пресс-сулууспата