АМ

Администрация МР «Намский улус»

Госорганы и учреждения · 6 ноября 2026 г.

Открыть канал в MAX

НАМ УЛУУҺУН ЭДЭР ТУСТУУКТАРА СИТИҺИИЛЭЭХТИК КИИРИСТИЛЭР

НАМ УЛУУҺУН ЭДЭР ТУСТУУКТАРА СИТИҺИИЛЭЭХТИК КИИРИСТИЛЭР   Сэтинньи 3-4 күннэригэр Дьокуускайга, В.П. Керемясов аатынан 3 №-дээх оҕо спордун оскуолатын саалатыгар, “IWL» спортивнай лига тэрийиитинэн уолаттарга спортивнай тустууга тестовай күрэх буолан ааста.   Нам улууһун чаҕылхай ыччата Макар Зырянов  салайааччылаах спортивнай таҥас  брендин олохтообут “IRON» хампаанньа бу сылтан лига тэрийэн маннык күрэхтэри көҕүлээн ыытар.  Күрэхтэһии  Макар Зырянов “IRON WRESTLING LEAGUE» бырайыагынан ыытыллар.  Лига тэриллибит сыалынан  оҕо доруобуйатын бөҕөргөтүү, спортивнай тустууну пропагандалааһын,  эдэр тустууктар маастарыстыбаларын үрдэтии, регион күүстээх эдэр тустууктарын уонна тренердэрин арыйыы буолар. Биһиги улууспут эдэр бөҕөстөрө бэрт  сытыы киирсиилэр кэннилэриттэн бириистээх миэстэлэри ылары ситистилэр.  Ол курдук,  28 киилэҕэ П.П. Юмшанов аатынан Намнааҕы оҕо спортивнай оскуола иитиллээччитэ Семенов Саргын - 2 миэстэ (тренер Сергей Семенов), 33 киилэҕэ  оскуола Хамаҕаттатааҕы филиалыттан  Слепцов Алексей (тренер Дьулустан Сивцев)  - 3 миэстэҕэ таҕыстылар. Эдэр тустууктарбытын, тренердэри эҕэрдэлиибит уонна өссө үрдүк ситиһиилэри баҕарабыт.    “Нам улууһа” МО пресс-сулууспата