🎈Къэбэрдей-Балъкъэрым щагъэлъап1э балъкъэр лъэпкъым я къэщ1эрэщ1эжыныгъэм и махуэр. Къ... — 27 марта 2026 г. в 19:21:20.378
🎈Къэбэрдей-Балъкъэрым щагъэлъап1э балъкъэр лъэпкъым я къэщ1эрэщ1эжыныгъэм и махуэр. КъБР-м и Музыкэ къэрал театрым абы и щ1ыхьк1э иджыпсту концерт щок1уэк1. 🎈Къэбэрдей-Балъкъэрым и япэ Президент К1уэк1уэ Валерэ 1994 гъэм къыхилъхьауэ щытащ, илъэс 13 дэк1ауэ, 1957 гъэм Азие Курытым къи1эпхъук1ыжу я щ1ыналъэм къэзыгъэзэжа балъкъэрхэм я махуэр гъэлъэп1эныр. 🎈1уэхущ1ап1эм и пэ1ущ1э пэшым щагъэуващ сурэтхэмрэ дэфтэрхэмрэ щызэхуэхьэса «Моя Балкария» выставкэмрэ декоративно-прикладной гъуазджэм и хьэпшып гъэщ1эгъуэнхэмрэ. 🎈Гуф1эгъуэ пшыхьым зыкърагъэхьэл1ащ Къэбэрдей-Балъкъэрым щыпсэухэмрэ ди хьэщ1эхэмрэ, щ1ыналъэм и унафэщ1хэм ящыщхэм, жылагъуэ лэжьак1уэхэм, студентхэм, еджак1уэхэм. 🎈Концертыр ягъэдахэ республикэм и уэрэджы1ак1уэ, къэфак1уэ ц1эры1уэхэм. Республикэм и артистхэр къоджэ балъкъэрхэм я гъащ1эм теухуа усэ купщ1аф1эхэм. Пшыхьым щагъэзэщ1ащ «Си Къэбэрдей-Балъкъэр» уэрэдымрэ зэныбжьэгъугъэм и къафэрэ. 🎈Балъкъэрхэм я къэщ1эрэщ1эжыныгъэ махуэм иращ1эк1 зэхыхьэхэм республикэм мы махуэхэм иджыри щыпащэнущ выставкэхэмк1э, зэ1ущ1эхэмк1э, концертхэмк1э. ✍️🎥ТЕК1УЖЬ Заретэ.