🏗️ Арча районында төзелеш эшләре дәвам итә!
🏗️ Арча районында төзелеш эшләре дәвам итә! Районда яшәүчеләр өчен уңайлы шартлар булдыру максатыннан мөһим проектлар тормышка ашырыла, дип хәбәр итә район башлыгы матбугат хезмәте. 🏠 Иске Чүриледә авыл хуҗалыгы хезмәткәрләре өчен яңа торак комплексы төзелә («Авыл территорияләрен комплекслы үстерү» дәүләт программасы). 🏀 Арчада универсаль спорт залы төзелешенең төп өлеше башкарылган («Россия спорты» дәүләт программасы). 🎨 Арчада балалар сәнгать мәктәбенең яңа бинасы төзелә, түбә ясау эшләре башланган («Гаилә» илкүләм проектының «Гаилә кыйммәтләре» төбәк проекты) 🏡 Чиканаста мәдәният йорты капиталь ремонтлана. Биредә фельдшер-акушерлык пункты һәм авыл китапханәсе дә урнашачак. Моннан тыш, Арча район мәдәният йортын ремонтлауның беренче этабы тәмамланган («Гаилә» илкүләм проектының «Гаилә кыйммәтләре һәм мәдәният инфраструктурасы» төбәк проекты). Яңа объектлар районның торак, спорт, мәгариф, мәдәният һәм медицина инфраструктурасын үстерүгә хезмәт итәчәк! 🌿