13 июнь Сибай концерт-театр берекмәһе коллективы Ленинград өлкәһенең Всеволожск районы ... — 15 июня 2026 г. в 15:13:19.677
13 июнь Сибай концерт-театр берекмәһе коллективы Ленинград өлкәһенең Всеволожск районы Энколово ауылында үткән ҙур сарала — Төбәк-ара Һабантуй байрамында ҡатнашты. Был сара нисә йыл рәттән үткәрелеп, илебеҙ төбәктәре араһында ысын мәғәнәһендә дуҫлыҡ һәм мәҙәни алмашыу символына әйләнде. Байрамда беҙҙең артистарыбыҙ Башҡортостан Республикаһы мәҙәниәтен һәм сәнғәтен лайыҡлы күрһәтте. Башҡорт ихатаһы алдында почетлы ҡунаҡтарҙы ҡаршы алыуҙа ҡатнашты, төп сәхнәлә милли колорит менән һуғарылған бай концерт программаһын тәҡдим итте. Йырсылар, музыканттарыбыҙҙың башҡарған моңло йырҙары, көйҙәре, "Сибай" халыҡ бейеүҙәре ансамбленең дәртле бейеүҙәре милләттәштәребеҙгә, майҙан ҡунаҡтарына яҡшы кәйеф, күңел күтәренкелеге өҫтәне. Коллективтың сығышы байрамға йыйылған халыҡты берләштерҙе, сараның сағыу биҙәге булды.