Баймаҡ районының Сыңғыҙ ауылы мәҙәниәт йортонда Өфө фән һәм технология университетының ... — 16 июля 2026 г. в 06:07:25.184
Баймаҡ районының Сыңғыҙ ауылы мәҙәниәт йортонда Өфө фән һәм технология университетының студенттары ҡунаҡҡа килде. Ҡунаҡтарҙы ағинәйҙәр үҙҙәре сығарған таҡмаҡ менән ҡаршы алдылар. Оҫта ҡуллы ағинәйҙәр үҙҙәренең ҡул эше менән таныштырҙылар. Балалар бигерәк тә Яңылбикә инәйҙән ҡалған ҡомартҡы - 105 йыл элек эшләнгән балаҫ ҡыҙыҡһыныу уятты. Һуңынан Мәрйәм Марат ҡыҙы балаҫ һуғыуҙың яңы ысулын күрһәтте. Күҙҙең яуын алып торған ҡул эштәре, шаршау, сергетыш, сарыҡ, хәситә күңелдәренә хуш килде. Үҙҙәрен ҡыҙыҡһындырған ҡул эшен телефондарына төшөрҙөләр, һорауҙар бирҙеләр. Мәҙинә Ғүмәр ҡыҙы менән Әлфиә Сирбаеваның шиғырҙары, ағинәйҙәрҙең ҡобайыры береһендә битараф ҡалдырманы. Дамира Усманова һөттән әҙерләнгән башҡорт халҡының милли ризыҡтары менән таныштырҙы: ҡорот, һары эремсек, кипкән ҡорот, сейәле ҡорот. Ә Рәйлә апай ҡымыҙҙың эшләнешен һөйләне. Һуңынан ҡунаҡтарға әҙерләнгән буҙанан ауыҙ иттеләр. Аллаға шөкөр, ауыҙ-тел ижадын, ҡул эштәрен, боронғо йолаларҙы өйрәнәбеҙ тип торған йәш быуын булғанда улар юҡҡа сыҡмаҫ, һәм килер быуынға улар ҙа өйрәтеп ҡалдырырҙар.