🤲🤲🤲
🤲🤲🤲 "Бер сихыр ҙа, ауырыу ҙа һиңә ҡағыла алмаҫ" Әүлиә Шәмиғол хәлфә Күгәрсен районының Ишбирҙе ауылында йәшәгән. Ул бер мәл килгән кешегә: “Теләк теләһәң, күккә ҡарап телә. Һәр нәмәне ихлас күңел, асыҡ йөҙ менән ҡабул ит. Һыу эсһәң дә, аҙыҡ ҡапһаң да, «Вәсәҡәһем раббыһым, шарабан таһура» тип өс тапҡыр әйтеп башҡар. Бер сихыр ҙа, ауырыу ҙа һиңә ҡағыла алмаҫ. Быны балаларыңа ла өйрәт. Һиңә гел яҡшы төштәр инер, уларҙы яҡшыға юра. Хужалар менән осрашҡанда уң яҡтан торорға тырыш, улар һис һүҙһеҙ һинең әйткәнеңде үтәр, Хоҙай шулай бойорор", - тигән. Төрлө хәлдәрҙә «Вәсәҡәһем раббыһым, шарабан таһура» тип әйтергә кәрәклеген миңә лә ҡайынбикәм әйткәйне. Һалҡын ғына эсемлек эсер алдынан, тамағың шешмәһен өсөн, ошолай әйт, тине ул. Ысынлап та, бер ниндәй эҙемтәһеҙ үтте боҙло эсемлек эсеүем. Социаль селтәрҙә Йәмилә Йәрмөхәмәтованың да шундайыраҡ комментарийы бар: "Бала саҡтан, йоҡлаһам да, мунсала ла, юлда ла, һыу эскәндә лә, кешелә йәки үҙемдә ашар алдынан да гел "Бисмилләәһир-рахмәәнир-рахиим. Вәсәҡәһем раббым, шарабан таһура" тип уҡып йөрөй торған инем. 47-49 йылдар элек диндәге инәйем өйрәтте. Ныҡ ярҙам итә".