«Туган ягым» мәдәният һәм ял паркында Әтнә үзәкләштерелгән китапханәләр системасы хезмә... — 18 августа 2026 г. в 13:15:14.881
«Туган ягым» мәдәният һәм ял паркында Әтнә үзәкләштерелгән китапханәләр системасы хезмәткәрләре район халкы һәм кунаклары өчен «Китаплы җәй» исемле мавыктыргыч әдәби бәйрәм оештырды. Кунакларны «Җәйге китап дөньясы» дип исемләнгән китап күргәзмәсе каршы алды. Һәр теләгән китап укучы заманча татар язучыларының яңа әсәрләре белән танышып, җәйге кичләрдә уку өчен иң туры килгән китабын таба алды. Очрашу җылы «Шигъри минутлар» сәгатенә әверелеп китте. Туган як, табигать матурлыгы һәм мәңгелек кешелек кыйммәтләре турында яраткан шигъри юллар яңгырады. Катнашучылар үзләре дә шигырьләр укып, иҗатның тирән һәм ихлас мохитенә чумды. Иң тапкырлар исә әдәби викторинада белемнәрен сынашты. Кунаклар шулай ук иҗади остаханәләрдә китапханәчеләрнең җитәкчелеге астында кулдан уникаль эшләнмәләр ясадылар. Яшьләр һәм өлкән буын милли уеннарда бик теләп катнашып, кич буена җитәрлек энергия һәм уңай кәеф тупладылар. Бәйрәм һәр катнашучының эчке дөньясын яңа белемнәр һәм хисләр белән баетты, үз халкының бай мәдәнияте белән горурлану һәм якты шатлык хисе калдырды дип ышанып калабыз. Тулырак фотолар👇🏻 https://vk.ru/album-217040379_312069936 #атнякультура #Әтнәмәдәниятбүлеге #АтнинскаяЦентральнаяБиблиотека #ӘтнәҮзәкКитапханәсе #ЛЕТОВТАТАРСТАНЕ #АЙДАГУЛЯТЬ