Җәйге эссе көннәрдә вакыты булган һәркем плотиналарда, су буйларында су коенып, кызынып... — 14 июня 2026 г. в 06:00:00.837
Җәйге эссе көннәрдә вакыты булган һәркем плотиналарда, су буйларында су коенып, кызынып калырга ашыга. Әлбәттә, эсселекне җиңү, хәл кертү өчен дә, сәламәтлек өчен дә йөзү иң яхшы ысул. Шул ук вакытта, Гадәттән тыш хәлләр хезмәткәрләре суда һәм су буенда үз-үзеңне тоту кагыйдәләрен үтәүнең мөһимлегенә игътибарны юнәлтә. Әле су коену сезоны 1 июньнән генә рәсми рәвештә ачылса да, республикабыз буенча суга бату очраклары теркәлде инде. Иминлек таләпләрен санга сукмау еш кына аянычлы төгәлләнә. Коену сезонында сулыкларда батып үлүчеләр саны юл-транспорт һәлакәтләрендә һәм янгыннарда вафат булучылар саныннан гына калыша. Игътибар! Хөрмәтле райондашлар! «Су коену тыела!» дигән тамгаларны санга сукмыйча, тиешсез урыннарда су коенуларга юл куймасак иде. Махсус билгеләнгән урыннарда гына суга керергә рөхсәт ителә. Гомеребезне куркыныч астына куймыйк, балаларны үзләрен генә су буена җибәрмик, су янына барганда тиешле куркынычсызлык кагыйдәләрен саклау зарурлыгын аларга көндәлек аңлатып торсак иде! Видео:МЧС России